منتديات رشاقة ترحب بكم..

عدد الضغطات : 19عدد الضغطات : 230عدد الضغطات : 642عدد الضغطات : 781عدد الضغطات : 275عدد الضغطات : 922عدد الضغطات : 20,107
عدد الضغطات : 924

الإهداءات

« آخـــر الــمــواضــيــع »
         :: البروتين والكرياتين لفرد الشعر هل هما حقيقة ام وهم ؟ (آخر رد :المشتاقة لبيت الله)       :: صورة الغده والدهون في عمليتي التثدي ..!! للقلوب الضعيفة ممنوع الدخول (آخر رد :From)       :: :: سوآليف بنآآت :: (آخر رد :شوق)       :: عندي استفسار بسيط ساعدوني (آخر رد :أثر)       :: متكممه جديده تصارع السمنة 👾 (آخر رد :*ابو صالح*)       :: رحلتي بكرا .. وعمليتي يوم الثلاثاء باذن الله (آخر رد :anosha)       :: ابي الفاده الوسمحتو (آخر رد :ريم 2015)       :: استفسار بخصوص شفط الدهون (آخر رد :jojoوبس)       :: استفسار بخصوص شفط الدهون (آخر رد :jojoوبس)       :: استفسار ~ (آخر رد :Noura55)      


العودة   منتديات رشاقة > المنتديات الطبية > رابطة تكميم المعده ( السليف ) > قصص وتجارب المتكممين
التسجيل التعليمـــات التقويم اجعل كافة الأقسام مقروءة

قصتي مع السليف على يد دكتور وائل غفير

قصص وتجارب المتكممين

Like Tree1Likes
إضافة رد

 
LinkBack أدوات الموضوع انواع عرض الموضوع
قديم 06-26-2011, 02:46 AM   #1
تصيب الظلام












 

 

آخـر مواضيعي

افتراضي قصتي مع السليف على يد دكتور وائل غفير

السلام عليكم ورحمة الله وبركاته

بعد التحيه أبدأ قصتي مباشرة مع عملية السليف .... طبعا قبل التفكير للجوء للعمليه زي ما انتوا عارفين جميع انواع الاحباطات والفشل في
محاولة انقاص الوزن ... وبرضه طبعا زي كل اللي بدأوا في التفكير للجوء للجراحه وقعوا في حيره كبيره .. اي دكتور واي مستشفى والتكلفه
وانهي بلد ....

وعن نفسي انا مصريه مقيمه بالسعوديه وعشان كنت جربت المركز التخصصي الطبي في ولادة عيالي كنت حبه اعملها هناك وخصوصا بعد
العمليات الناجحه اللي عملها هناك دكتور عبد الرحمن سالم

لكن بعد ما عملت بحث كتير لقيت العمليات في مصر برضه ناجحه وفرق التكلفه كبير ... فتوكلت على الله وقولت خليني اعملها في مصر
احسن ....

المهم طبعا الدكتور اللي كان واخد الأغلبيه العظمى في التصويت دكتور فهيم بسيوني وكلمته وكنت متحمسه جدا لكن لما استخرت لقيت حماسي
اتقلب الى النقيض ومش بقيت عارفه ليه ...

وبدأت ادور على بديل ... وكلمت دكتور وائل غفير ودكتور خالد القطري وجمعت معلومات عن دكتور اسامه طه وبعض المستشفيات

المهم بعد ما استخرت كتير ربنا هداني لدكتور وائل غفير .... وتوكلت على الله ونزلت مصر ... وروحت العياده واول ما دخلت قولتله عايزه
اعمل سليف .... ضحك وقالي على طول كده محدده قولتله ايوه واختي حاولت تبررله اني من كتر ما قريت وبحثت بقيت فاهمه العمليه قالي
بالعكس انا مبسوط انك محدده .... وسألني معاكي تحاليل قولتله لأ مستنيه اعرف ايه المطلوب ... قالي طيب اكشف على بطنك الأول ... كشف
عليها كشف سريع جدا وقالي اوكيه ... احنا النهارده السبت ممكن تعملي التحاليل ومش لازم تكوني صايمه ولا حاجه وتجيبي نتيجتها وتيجي على
المستشفى الساعه 12 الضهر يوم التلات وتكوني صايمه من الفجر وهتفضلي في المستشفى من 24 ساعه ل 48 حسب الحاله ....

ساعتها حسيت ان الزمن وقف بيه لثواني معدوده ومش صدقت ان الموضوع بالسرعه دي .... وقولتله عشان افوّق نفسي من الصدمه ... هاعمل
العمليه التلات ده ... قالي لو تحبي .... لو مش عايزه بلاش ... قولتله لأ عايزه .... وكتبلي جواب الدخول للمستشفى...

واختي معايا كانت مزهوله ... بتقولي انتي ازاي توافقي بالسرعه دي ده احنا مش اخدنا خمس دقايق .... قولتلها انا مستخيره وهو مش هيقولي
جديد .... وانا مش عايزه اسأل عن حاجه ...

وطلعت من عنده على معمل التحاليل ... واستلمت التحاليل يوم الاتنين ... وكلمته ... قولتله محتاج تعرف حاجه عن النتيجه دلوقتي قالي لا ابدا
... بس هتيها معاكي ....

وبدأ الخوف يراودني تدريجا ... ازاي هيعملي العمليه وهو مش عارف النتيجه .... ويمكن انا لا اصلح .... وهو مش بيكلم وعملي وجاد جدا في
كلامه .... وقعدت استعيذ بالله من الشيطان ووساوسه .... وقمت اصلي واستخرت تاني ..... وبدأت اقرأ في سورة البقره .... وكل ما اتخيل اني
داخله العمليات برجليه واني هسيب ولادي ومش عارفه اني هرجعلهم ولا لأ الاقي دموعي تنزل غصب عني ... بس ارجع وأقرأ بصوت عالي
عشان اطمن نفسي .....

نسيت اقولكم ان زوجي كمان مش معايا ... ظروف شغله مش سمحتله ينزل اجازه معانا .... وانا كنت خلاص مش عايزه اأجل سنه تانيه من
عمري ....

ومرت الليله اللي قبل العمليه بس طبعا بمرها (ومش فكره حلو فيها) وطبعا راح النوم نهائي ....

ولقيت نفسي مع الرعب اللي عايشاها بحضر حاجتي بتركيز وقمت اخدت حمام واخواتي وولادي كلهم نايمين ... واتصلت باختي اللي هتقابلني ونروح مع بعض المستشفى وبطمن انها صحيت ومش راحت عليها نومه .... حاجه كانت غريبه .... الاحساس الموجود والفعل نقيضه !!!

المهم روحت المستشفى وكانت اول زياره ليها وكنت عماله استكشف كل شبر فيها .... عشان يديني عنها اي انطباع سواء بسلب او ايجاب ودخلت على الحسابات ... وطلب مني مبلغ مبدأي للعمليه ... وقالي الاجمالي بتدفعيه وانتي خارجه بالسلامه ... واستبشرت خير عشان كان
اسلوب المحاسب كان باش وبشوش جدا ربنا يكرمه ......
ونادى احد أفراد الأمن عشان يطلعني غرفتي .... ولما دخلتها لقيتها حلوه ونظيفه لكن قدام الأسانسير بالضبط ... وطلبت تغيرها ... وفتحولي

غرفه تانيه وكانت كوبي من الغرفه الأولى بس في مكان هادي فرتحتلها ...

وبدأت تهل العليه الممرضات من قياس ضغط لسكر لحراره لبعض الأسئله .... وجه دكتور مضاني على اقرار على العمليه .... وكل ده انا
حاسه اني في حلم ... مش مصدقه ان مش مر عليه غير اسبوع في مصر وانا خلاص فعلا هعمل العمليه !!!!....

وجت الممرضه قالتلي البسي لبس العمليات وبصراحه ساعتها بجد كنت عايزه اطلع اجري واقول خلاص مش عايزه انا هعمل رجيم ... وايه اللي عملته في نفسي ده ..... بس من رحمة ربنا عليه جت واحده صاحبتي في نفس اللحظه .... وبقالي سنننننيييييييييين مش شوفتها وهيه كانت عامله تحوير ولما عرفت اني هعمل العمليه صممت تبقى معايا اول يوم يارب يسعدها ويعطيها ما تتمنى .... ووجودها طبعا وبعد الفرق الشاسع اللي هي وصلتله ده ثبتني شويه .. وخالوا بالكوا من شويه دي .... لأني فضلت خايفه ونفسي اتراجع

المهم جت اللحظه اللي خبطت فيها الممرضات الساعه 2 الظهر وقالولي جاهزه (وبصراحه فريق العمل هناك هون عليه حاجات كتير كلهم بيتعاملوا بابتسامه جميله) ... قولتلهم دلوقتي ؟؟؟؟ قالولي ايوه ..... قولتلهم حاضر ... جاهزه ان شاء الله ...

وطلعت فوق السرير وبدأوا يتحركوا بيه .. وحسيت اني دايخه جداااااااااااااااااا وقولتلهم انا دايخه قوي ده عادي ؟؟؟ قالولي عادي مش تقلقي ان شاء الله هتقومي بالسلامه وافتكرت اني مش كلمت زوجي وطلبت من الممرضه انها تقول لأختي تتصل بزوجي تبلغه .... ووصلنا العمليات
وبصراحه معظم الأشخاص في مبنى العمليات( خصوصا النساء) كانوا بيقولولي ان شاء الله هتقومي بالسلامه ... وكنت من الخوف مش عارفه اتكلم ولا حتى ارد الابتسامه


وجه دكتور التخدير وبيجهز الابره اللي في الايد ... وبيقولي خلاص هناخد حقنة البنج دلوقتي وهنام وحمدت ربنا انه قالي عشان آخد فرصه وأنطق بالشهاده .... والحمد لله اتشاهدت .... وغمضت وفتحت لقيت نفس دكتور البنج برؤيه غير واضحه بيقولي عامله ايه ؟؟ رديت قولتله
كويسه الحمد لله .... ومش حاسه بحاجه خالص ......

وجت الممرضات نقلوني لغرفتي وشوفت اختي وصاحبتي بنفس الرؤيه الغير واضحه وشوفت الساعه ولقيتها 3 ونص العصر .... وروحت في النوم وقمت على الم في اعلى بطني ... قولتلهم عايزه مسكن ... الممرضه جت ادتني مسكن وراح الألم ونمت ....


واليوم ده كله فضلت نايمه الا دقائق معدوده اصحى على صوت رنات موبايل وصوت اختي او صاحبتي بيطمنوا الناس وارجع تاني اغيب عن الدنيا ...

لحد 6 الصبح صحيت على صوت موبايلي وزوجي بيتصل الله لا يحرمني منه ابدا ... لأني مش كلمته وكان خلاص قلق خالص واضطر يتصل يطمن .... وقمت واقعدت اجيب حكايات من زماااااااان مع صديقتي العزيزه ... وجه الفطار بتاع المرافق طبعا .... وقعدنا نضحك ونقول لو كنا
قبل التكميم والتحوير كنا اكلنا الأكل كل وطلبنا عليه دليفري كمان Cant See Images لكن هيه يادوب عملت ربع رغيف ساندوتش ودمتم سالمين Cant See Images ما شاء الله ولا قوة الا بالله

تاني يوم كنت مش حاسه بألم قوي في بطني على قد ما انا حاسه اني مجهده جداااااااااااااااااا والغريبه اني حاسه اني جعانه جداااااااااااااااااااا

وجه الدكتور .... وبرضه مقابلته مش اكتر من خمس دقايق .... اخبارك ايه ... انتي نايمه ليه ... انا مش عايزك تنامي ... انا عايزك تتحركي ... مسموحلك بالسوائل وان شاء الله تباتي النهارده كمان في المستشفى وبكره ان شاء الله افوت عليكي اشيلك الدرنقه واكتبلك على خروج ....حمد الله على السلامه

واول ما خرج فطست من الضحك انا وصاحبتي .... عشان مش بنلحق نتكلم .... بس سبحان الله انا كنت مطمنه وبحس بعدم كلام الدكتور او شرحه التفاصيل ليه ان الموضوع الحمد لله بسيط وهو اعلم بيه ....

وغادرت صديقتي المستشفى وجت اختي باتت تاني يوم .... وعدى تاني يوم بس كان متعب جدا في كثرة دخول الحمام اعزكم الله .... وده بسبب اني بشرب سوايل كتير وكمان باخد محاليل كتير ....

وجه تالت يوم و جه الدكتور شاف الجرح و غيرلي عليه ... شالي الدرنقه وقالي انا هكتبلك على نوعين دوا بس ... مسكن و حبايه للمعده ...
وخلاص كورس المضاد الحيوي خلص ... وممكن تاكلي كاسترد او جيلي او زبادي او مهلبيه .... واستعجبت جدا لكن برضه مش سألته على حاجه ....مش عارفه ده من الفرحه اني هخرج واشوف ولادي ولا برضه من سرعة الدكتور في القاء المعلومه ....

وبدأنا نخلص اجراءات الخروج... وطبعا كانوا بعتنلنا المعده المقصوصه على الغرفه بس انا مش قدرت ابص عليها ولا اشوف شكلها ... وسيبتها في الغرفه ... واخدت الدي في دي الخاص بالعمليه بس انا عارفه اني استحاله اتفرج عليه ....بس برضه هحتفظ بيه ...


والحمدلله خرجت والحمد لله كل يوم بيعدي الالم بيكون اقل من اليوم اللي قبله .... وطبعا فيه حاجتين انا لاحظت الفرق بين كلامزمايلنا في المنتدى وبين تجربتي .... ان اختبار التسريب ده انا مش مريت بيه ومش حد طلبه مني !!! ان الدكتور سمحلي باكل الاشياء دي اللي ذكرتها تاني يوم من العمليه وده شيء غريب لأن بقرآتي للتجارب لقيت ان اقل شيء تاني اسبوع ...
المهم انطباعي في الفتره القصيره دي ان فعلا حجم معدتي صغير جدا ..... بس مشكلتي اني مازلت عندي الجوع اللي بيسببه المخ مش المعده وده بسبب الطفاسه ... ويارب يرحمني منه ويرفعه من جسمي ....

ياريت دعواتكم ربنا يكمل شفائي على خير والاقي نتيجه مرجوه من المعاناه ويارب يفك كرب كل مبتلي بابتلاء السمنه يارب


وان شاء الله اول ما الاقي نتيجه ملحوظه هبلغكوا واي سؤال انا في الخدمه ....

ساعد في نشر والارتقاء بنا عبر مشاركة رأيك في الفيس بوك



 

سهام النور غير متواجد حالياً   رد مع اقتباس
a
قديم 06-26-2011, 03:07 AM   #2
عضو فعال
 
الصورة الرمزية ام-عبدالله












 

 

آخـر مواضيعي

افتراضي رد: قصتي مع السليف على يد دكتور وائل غفير

الله يتم عليكي

ويشفيكي يارب

ويحقق امانيكي

 

ام-عبدالله غير متواجد حالياً   رد مع اقتباس
a
قديم 06-26-2011, 04:27 AM   #3
عضو مشارك
 
الصورة الرمزية بسمات












 

 

آخـر مواضيعي

افتراضي رد: قصتي مع السليف على يد دكتور وائل غفير

الحمد لله على سلامتك يا ام بهاء

بس في حاجتين غريبين جدا..الا وهما Cant See Images.........انك معملتيش اختبار تسريب واك بتاكل من دلوقتي زبادي ومهلبية وكاسترد؟؟؟؟؟؟ صح ولا ايه

ايه بقى موضوع الدي في دي ده يا اوختي Cant See Images

 

بسمات غير متواجد حالياً   رد مع اقتباس
a
قديم 06-26-2011, 04:46 AM   #4
عضو مشارك
 
الصورة الرمزية بسمات












 

 

آخـر مواضيعي

افتراضي رد: قصتي مع السليف على يد دكتور وائل غفير

نسيت اسألك كمان انتي حددتي ازاي انك هتعملي سليف؟؟؟

 

بسمات غير متواجد حالياً   رد مع اقتباس
a
قديم 06-26-2011, 08:48 AM   #5
نائبة المشرف العام
 
الصورة الرمزية ROLEX












 

 


اوسمتي

آخـر مواضيعي

افتراضي رد: قصتي مع السليف على يد دكتور وائل غفير

أم بهاء الحمدلله ع السلامه وربي يتمم لك بكل الخير يارب ,,,

 

ROLEX متواجد حالياً   رد مع اقتباس
a
قديم 06-26-2011, 10:06 AM   #6
عضو جديد
 
الصورة الرمزية nana1911












 

 

آخـر مواضيعي

افتراضي رد: قصتي مع السليف على يد دكتور وائل غفير

الحمدالله علي سلامتك و ربنا يتمم شفاكي علي خير ان شاءالله

انت عملتي العملية منظار مش جراحة صح ؟؟؟؟؟

 

nana1911 غير متواجد حالياً   رد مع اقتباس
a
قديم 06-26-2011, 02:38 PM   #7
تصيب الظلام












 

 

آخـر مواضيعي

افتراضي رد: قصتي مع السليف على يد دكتور وائل غفير

اقتباس:
المشاركة الأصلية كتبت بواسطة ام-عبدالله Cant See Links
الله يتم عليكي

ويشفيكي يارب

ويحقق امانيكي

اللهم آمين يا أم عبد الله ... جزاكي الله خيرا على الدعوه الحلوه دي ويارب يعطيكي الخير كله ويراضيكي بيه

 

سهام النور غير متواجد حالياً   رد مع اقتباس
a
قديم 06-26-2011, 02:42 PM   #8
تصيب الظلام












 

 

آخـر مواضيعي

افتراضي رد: قصتي مع السليف على يد دكتور وائل غفير

اقتباس:
المشاركة الأصلية كتبت بواسطة بسمات Cant See Links
الحمد لله على سلامتك يا ام بهاء

بس في حاجتين غريبين جدا..الا وهما Cant See Images.........انك معملتيش اختبار تسريب واك بتاكل من دلوقتي زبادي ومهلبية وكاسترد؟؟؟؟؟؟ صح ولا ايه

ايه بقى موضوع الدي في دي ده يا اوختي Cant See Images
الله يسلمك يا بسمات ... ايوه فعلا .. انا مستغربه من الاتنين ... بس سبحان الله مش عارف ليه عندي حالة استسلام تام لكل اللي بيعمله الدكتور حتى لو فيه مليون علامة تعجب .... وبقول ده اكيد بسبب الاستخاره ....

الدي في دي ده يا ستي عباره عن فيلم الفيديو بتاع العمليه ... عشان المستشفى بتقوم بتصوير اي عمليه بتجريها وبتسلمها للمريض ...

 

سهام النور غير متواجد حالياً   رد مع اقتباس
a
قديم 06-26-2011, 02:44 PM   #9
تصيب الظلام












 

 

آخـر مواضيعي

افتراضي رد: قصتي مع السليف على يد دكتور وائل غفير

اقتباس:
المشاركة الأصلية كتبت بواسطة بسمات Cant See Links
نسيت اسألك كمان انتي حددتي ازاي انك هتعملي سليف؟؟؟

عشان سألت كذا دكتور وكلهم اجمعوا على السليف ... ما عدا دكتور خالد جودت (ومش عارف السبب) ....

ولقيت ان السبب اللي بيخلي الدكتور يعمل تحوير هو ان يكون المريض مدمن حلويات .... وانا مدمنة نشويات مش حلويات ....

 

سهام النور غير متواجد حالياً   رد مع اقتباس
a
قديم 06-26-2011, 02:46 PM   #10
تصيب الظلام












 

 

آخـر مواضيعي

افتراضي رد: قصتي مع السليف على يد دكتور وائل غفير

اقتباس:
المشاركة الأصلية كتبت بواسطة رولكس Cant See Links
أم بهاء الحمدلله ع السلامه وربي يتمم لك بكل الخير يارب ,,,
اللهم آمين يا رولكس ويجزاكي ربي الف خير على الدعوه ويفتحلك ابواب السعاده وراحة البال

 

سهام النور غير متواجد حالياً   رد مع اقتباس
a
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
قصتي بكل حريه اقولها هنا واول مره افصحى عنها .... الحظ مايل والاماني كبيره منتدى السمنه والطب العام 55 07-26-2014 05:10 AM
دكتور وائل غفير سمسمة المسمسمة ملتقى العمليات الجراحية المختلفه للسمنه 20 04-17-2013 12:51 PM
قصتي مع عملية السليف ابوابراهيم رابطة تكميم المعده ( السليف ) 23 02-04-2013 11:25 AM
اريد المساعدة من كل من اجري العملية عند الدكتو وائل غفير نور العيون رابطة تكميم المعده ( السليف ) 1 12-01-2012 02:03 AM
اخيرا تمت بحمد الله تجربتى مع السليف على بد دكتور وائل الغفير shima قصص وتجارب المتكممين 18 07-10-2012 11:52 PM

Facebook Comments by: ABDU_GO - شركة الإبداع الرقمية

الساعة الآن 01:05 PM.



Powered by vBulletin
Copyright ©2000 - 2014, Jelsoft Enterprises Ltd
Ads Management Version 3.0.1 by Saeed Al-Atwi
vEhdaa 1.1.2 by NLPL ©2009

Search Engine Optimization by vBSEO 3.6.0 RC 1

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51